ഒരുമാസം പൂര്‍ത്തിയായി

കഴിഞ്ഞ മാസം 26-ന് വായനാ ലിസ്റ്റ് എന്നൊരു ബ്ലോഗ് നിര്‍മ്മിച്ചപ്പോള്‍ ആകെയുള്ള ഒരു ഉദ്ദേശം എന്റെ വായനയില്‍ ഉള്ള ബ്ലോഗുകളില്‍ എന്തെങ്കിലും അപ്‌ഡേറ്റ് ഉണ്ടെങ്കില്‍ അറിയണം എന്ന് മാത്രമായിരുന്നു. എന്നും ഓരോ കാറ്റഗറിയിലും ഏറ്റവും മുകളിലുള്ള ബ്ലോഗുകള്‍ നോക്കിയാല്‍ മതിയല്ലോ എന്നായിരുന്നു ചിന്ത. ബാക്കിയുള്ളവ അഗ്രിഗേറ്ററില്‍ നിന്നും കിട്ടുമല്ലോ.

ഇന്നിപ്പോള്‍ ആരൊക്കെയോ സ്ഥിരമായി വായനാലിസ്റ്റില്‍ വരുന്നുണ്ട് എന്ന് അറിയുന്നതില്‍ വളരെ സന്തോഷം. ആരുടെയൊക്കെയോ ഫേവറിറ്റില്‍ ഇത് കിടപ്പുണ്ട് എന്ന് തോന്നുന്നു. ഈ വായനാലിസ്റ്റ് സ്വന്തം ബ്ലോഗിന്റെ സൈഡില്‍ ചേര്‍ത്ത നിരക്ഷരനും, പണിക്കര്‍ സാറിനും പ്രത്യേക നന്ദി.

ഒരുമാസം പൂര്‍ത്തിയായി. 542 വിസിറ്റുകള്‍ ഉണ്ട്,,, തൃപ്തിയായി... എനിക്കു വേണ്ടി ഉണ്ടാക്കിയതാണെങ്കിലും അത് ചിലര്‍ക്കെങ്കിലും പ്രയോജനപ്പെടുന്നതില്‍ സന്തോഷം.